نصائح لطلبة هندسة البرمجيات

السلام عليكم اخواني اخواتي الاعزاء
طبعا راح احكي بالموضوع بشكل مباشر مثل ما تعرفون السنة الدراسية الجديدة بدت وانشاء الله تكون سنة حلوة وجميلة على الجميع والله يكون بعون طلبتنا الاعزاء على هذه السنة الجديدة وانا اخوكم خريج هندسة البرمجات واريد اقللكم بعض النصائح على هذا القسم:
قسم هندسة البرمجيات قسم حلو وممتع والله يرحم ابونا واستاذنا الكبير البروف نضال الاسدي (رحمه الله)الذي له الفضل الكبير في انشاء هذا القسم الجميل؟
المهم اخواني الطلبة طبعا قسمنا صعب بعض الشيئ من ناحية الدراسة وانتم لازم من البداية تواصلون الدراسة اليومية في هذه الايام ومن البداية ادرسو الدروس التي تعطى اليكم ترى والله ياشباب ويا بنات ما تاخذ بيدكم ساعة او اكثر من ساعة وطبعا نحن بهاي الضروف مال الموصل نرجع على البيت من وقت فانتم عدكم وقت للدراسة كثير والله يوفقكم بالدراسة!!!!!!
النصيحة المهمة الي اريد اقللكم هي وهذي النصيحة مقدمة لطلبة المرحلة الرابعة فقط انه المشاريع كلش سهلة والمدرسين دائما يخوفوكم منها فانت اذا اتريد يسهل عليك المشروع باشر من الان باختيار المدرس المشرف واختارلك مشروع وباشر بالشغل بينو والمناقشة انشا الله في نهاية السنة ايضا طبعا سهلة وكلش بسيطة بس لازم انت تكون جريئ بالمناقشة واش يسالوك تكون واثق من الاجابة لو حتى الاجابة غير صحيحة واشكر كل من قرأ هذا الموضوع وانشا الله الموفقية للجميع .
اخوكم الشاهق مهندس البرمجيات